Тэматыка сэмінара будзе сканцэнтраваная вакол тэмаў сацыяльнай справядлівасьці, каштоўнасьці жыцьця, пазьбяганьня агрэсіі ды стварэньня добразычлівай, спрыяльнай для разьвіцьця і навучаньня атмасфэры.
Семінар адбудзецца 22–24 чэрвеня пад Мінскам.
Удзел у сэмінары дазволіць:
- – даведацца пра сучасныя падыходы да ацэнкі якасьці навучаньня, пра ключавыя кампэтэнцыі ды ролю грамадзянскіх кампэтэнцый у выхаваньні асобы вучня;
- – пазнаёміцца з мэтадамі разьвіцьця крытычнага мысьленьня на ўроку і па-за ім;
- – пазнаёміцца з прынцыпамі і падыходамі, а таксама рознымі формамі і мэтадамі працы з тэмай сацыяльнай справядлівасьці, каштоўнасьці жыцьця;
- – пазнаёміцца з працай найлепшых пэдагогаў Беларусі ў тэме грамадзянскай адукацыі ў школе, падзяліцца сваім досьведам, абмеркаваць праблемы;
- – сустрэцца з прадстаўнікамі іншых плятформаў фармаваньня грамадзянскіх кампэтэнцыяў: сацыяльнай рэклямы, юрыдычнай дапамогі, рэлігійных арганізацыяў, аўтарамі фільмаў, ролікаў, візуальнай рэклямы на сацыяльна-значную тэматыку;
- – распрацаваць праекты адукацыйных мерапрыемстваў па рэалізацыі зьместу сэмінара ў сваёй адукацыйнай дзейнасьці.
Апошні тэрмін падачы заяўкі: 17 чэрвеня 2013 году.
Семінар арганізуюць Грамадзкае аб’яднаньне «Таварыства беларускай школы», сайт «Nastaunik.info» пры падтрымцы іншых адукацыйных арганізацыяў.
==